Пародонт тіндеріндегі температуралық ауытқуларды өлшейтін термометр жасалды

Стоматология саласындағы жаңа өнертабыс — қызыл иек тіндерінің температуралық өзгерістерін өлшеу үшін АҚШ Ұлттық стоматологтар қауымдастығының Ғылыми-зерттеу институты мен Технологиялар стандарттарының ұлттық институты ғалымдарының тобы әзірлеген термометр.

Термометрдің өлшемдерін банкнотпен салыстырсақ, ұзындығы бойынша олар іс жүзінде бірдей, ал ені бойынша — жартысына кем. Құрылғы датчикпен және қажетті температура ақпаратын компьютерге жылдам жіберетін Bluetooth жүйесімен жабдықталған. Бұл құрылғымен қызыл иек ауруларын диагностикалау жоспарлануда.

Зерттеу авторларының айтуынша, температура пародонт тіндерінің ішіндегі қабыну процесіне байланысты көтеріледі. Мұндай көрсеткіштерге жеделдетілген қан ағымы мен иммунитеттің метаболикалық реакциялары әсер етеді. Енді пародонт қалтасындағы температуралық өзгерістерді өлшеу мүмкін болғандықтан, қызыл иектің қабыну процестерін диагностикалау жылдамырақ жүргізілетін болады.

Мамандар қызыл иек қалталарының тереңдігін өлшейтін шағын зондқа миниатюралық температура датчигін орнатты. Оны жасау үшін икемді жұқа платина пленкасы қолданылды. Бұл материал кедергінің өзгеруіне сезімталдық танытпайтындығымен ерекше. Сонымен қатар термометр аккумулятормен жабдықталған.

Осы әзірлемені зерттеумен айналысатын қызметкерлер температураның ауытқуы мен кедергінің өзгерісін өлшеді. Сондай-ақ градусник жасанды сілекей, дистилденген су, фосфатты буфері бар физиологиялық ерітінді жағдайында сыналды.

Мамандар градусникті әртүрлі температурадағы — 35-65°C суға 100 рет батырды. Осы циклдардың барлығында кедергінің өзгерісі 1%-дан аспады. Осындай сынақтың арқасында авторлар температуралық өлшеулердің ықтимал қателігі 2%-дан аспайтынын мәлімдеді.

Сондықтан жасалған температура датчигін ауыз қуысының ішіндегі температураны және оның өзгерістерін дәл өлшеу үшін пайдалануға болады.