Тіс щеткасын қалай таңдау керек: қандай түрлері бар, қайсысы жақсы?

Механикалық. Бұл түр басқа түрлермен салыстырғанда ең кең таралған және қолжетімді. Алайда оның тиімділігіне бірнеше фактор әсер етеді. Ең бастысы, жұмыс сапасы тіс тазалау техникасының қаншалықты дұрыс орындалуына байланысты. Интернетте әмбебап схема қолжетімді түрде түсіндіріледі, бірақ оны стоматолог-гигиенистпен бірге жеке таңдаған дұрыс. Маман тістем ерекшеліктерін, қызыл иекті, тістерді ескереді, ауыз қуысын аурулардың немесе оларға бейімділіктің бар-жоғына тексереді. Осындай тексеруден кейін ол жеке техниканы құрастырады, соның арқасында тіс щеткасының және процедураның өзінің тиімділігі артады.

Электрлік. Мұндай құрылғылармен тіс тазалау процесі қылшықтардың эмаль мен қызыл иекке үйкелуі арқылы жүзеге асады. Көбінесе мұндай модельдер айналады немесе бүйірге, алға және артқа қозғалады. Олар тіс тазалау процедурасы қиынға соғатын балаларға жақсы көмектеседі. Қысым датчигінің арқасында эмаль тозбайды, ал қызыл иектің рецессиясы дамымайды. Бұрын электрлік үлгілердің қылшықтары тым қатты болатын. Бірақ бүгінде мамандар жеткілікті жұмсақ қондырмаларды жасап шығарды, бұл оларды таңдауды неғұрлым негізді етті.

Кейбір модельдер тіс тазалау процесін бақылау функциясымен жабдықталған. Телефонға арнайы қосымша орнатылады, онда ауыз қуысын күтуді жақсартуға қатысты барлық қажетті ақпарат пен кеңестер беріледі.

Ультрадыбыстық. Дәл осы түрді таңдау ауыз қуысын барынша сапалы және ұқыпты күтуге қол жеткізуге көмектеседі. Тіс қақтары жоғары жиілікті дыбыс тербелістерінің әсерімен, қозғалыстың ең аз мөлшерімен кетіріледі. Қаққа екі жақтан қысым түседі – қылшықтардың механикалық үйкелуінен, сондай-ақ жоғары жиілікті тербелістерден. Сондықтан тазалау көпфункционалды түрде жүргізіледі. Ультрадыбыстық модельдер дыбыстық модельдермен салыстырғанда жоғарырақ жиіліктегі тербелістерді шығарады. Бірақ олардың қарсы көрсетілімдері көбірек, мысалы, пломбалар, реставрациялар, тәждер және т.б. Дыбыстық/ультрадыбыстық щеткалардың тиімділігіне байланысты олардың бағасы кәдімгі щеткаларға қарағанда сәйкесінше жоғары.

Материал. Модельді таңдауға материал түрі әсер етуі керек. Таңдалған модельдің қылшығы табиғи түктен жасалмауы тиіс, өйткені ол бактериялардың көбеюіне таптырмас орын болып табылады, соның салдарынан ауыз қуысындағы аурулар белсендірек дамуы мүмкін. Сондай-ақ ол өте жұмсақ, ал ұшын дөңгелектеу мүмкін емес, сол себепті ол қызыл иекке және эмальға жарақат келтіруі мүмкін.

Қаттылығы. Сауатты таңдау қылшықтың қаттылық дәрежесіне де байланысты. Бұл көрсеткіш талшықтың диаметріне байланысты. Ол неғұрлым қалың болса, қылшық соғұрлым қатты болады. Қаттылықты қаптамадан білуге болады:

ultrasoft, extrasoft – өте жұмсақ;

soft – жұмсақ;

medium – орташа;

hard – қатты және өте қатты.

Ең жұмсақ қылшықты 5 жасқа дейінгі балалар және тістері қатты сезімтал адамдар пайдалана алады. Жұмсақ қылшық 5 пен 12 жас аралығындағы балаларға жарайды. Мұндай модельді таңдау қызыл иегі ісінген немесе қанаған, сондай-ақ қатты тіс тіні қатты тозған адамдарға да көмектеседі. Орташа қаттылық 12 жастан бастап қолдануға арналған.

Қатты және ең қатты қылшықты модельдерді стоматологтың рұқсатынсыз пайдалануға ұсынылмайды.

Өлшемі. Щетканы күн сайын пайдалану үшін оның жұмыс бөлігі ұзын болмауы керек. Қатар тұрған 2-2,5 тісті қамту жақсы көрсеткіш болып табылады. Осындай өлшемді таңдау қиын участкелерді тазалауға мүмкіндік береді. Балаларға басының ұзындығы 1,8-2,5 см модельдерді, ал ересектерге – 3 см-ден аспайтын модельдерді пайдалану ұсынылады.

Ауыз қуысы мен тістердің саулығын сақтау үшін дұрыс таңдау жасау ғана емес, күтім құралдарын уақытында ауыстырып отыру да маңызды. Тіс щеткасында пайдаланған сайын ауру тудыратын бактериялар жинақталады. Олардың әсерінен пародонт зардап шегеді, сондай-ақ кариес тезірек дамиды.

Ауыстыруды әр 3 ай сайын жасаған дұрыс. Бірақ бұл көрсеткіш ауыз қуысының денсаулығы мен күтім сапасына байланысты. Сондықтан жеке жиілікті білу үшін стоматологпен кеңескен жөн.